64. De poppe aan ’t danse

Schinderhannes

Dao höbs se noe de póppe aan’t danse,
ich zèk uch mien positie is kritiek.
Sjtrak lik ich op 'ne berm van gleujende sjanse,
op turf en kluut es kienjerköp zo diek.
Ich had ’t toen ouch lever mótte laote,
mer waat gebeurt al óm ei vroumes neet?
Zo bald es me de waerde haet genaote,
dan kump gemeinlik eers ’t verdreet.
Zo bald es me de waerde haet genaote,
dan kump gemeinlik eers ’t verdreet.

 

Copyright © 2001 - 2020 HjsA / Stichting Schinderhannes 2000+