69. Doe neums mich Heks

Hiacinthe

Doe neums mich "heks", mich die dich haet gebaore.
Det duit d'n angs, dae maak dich zo brutaal.
Waem van ós twee is hiej ’t meis gesjaore?
Det is dan toch dien eige moder waal.
Zeen ich det d'n duuvel dich hiej kump haole,
det is ein hèl, die ich es moder liej,
Doe weurs gesjtraof, doe höbs nog mer gesjtaole,
ich bön nog heks d'r bie, ich bön nog heks d'r bie,
ich bön nog heks d'r bie.

 

Mer wèts te waat, laot ’t zo wied neet kómme,
roop op dien volk en kal die aan häör zeel.
Doe leets dich ouch get ál te gauw verdomme!
Troew lever get op miene bessemsjteel……
En wil ich dich ins op ’t bèste raoje;
reskeer ein manj van diene bèste wien.
Jaag hem die drin, dan waers se neet gebraoje
en köls d'n duuvel fien! Mit ein manj van diene wien,
mit ein manj van diene wien!

 

Gooj jónges geer, die zeve jaor geleje,
hem bie uch kreeg es dapper opperhuit.
Geer höb hem leef, geer zeet van hem tevreje,
help mich noe ouch det Satan hem nieks duit.
Veer wille hem zich ein proem in doon zoepe,
es det gelök, dan doon v'r 'm in de doos.
Geer kómp dan vaort hem op zien jak gekroepe
en drink dan ein gooj voos, en drink dan ein gooj voos,
en drink dan ein gooj voos!

 

Copyright © 2001 - 2021 Herman Aben