31. Doe Priej

Hiacinthe

Doe priej, waat höbs se noe gedaon?
Ich mós dich op dien wames sjlaon!
Dae zjwarte költ dich wo-s doe sjteis,
en kump dich aan dien zeel en vleis.
Dae zjwarte költ dich wo-s doe sjteis,
en kump dich aan dien zeel en vleis.

 

Ich had dich ouch det kiendj gebrach,
hads doe ’t mich maar eer gezag,
mer wach, ich haol ze dich nog vaort,
dao-op gaef ich mien heksewaord.
Mer wach, ich haol ze dich nog vaort,
dao-op gaef ich mien heksewaord!

 

lch weet ein ruiverstroep bie-ein,
daovan is Peter kastelein,
ich maak dich kapitein daovan,
zodet d'r ’t dich neet weigere kan.
Ich maak dich kapitein daovan,
zodet d'r ’t dich neet weigere kan!

 

En kump d'n duvel hiej terök,
dan jeuk hem lang nog ziene rök,
es hae kump vraoge nao dien zeel,
dan veult d'r miene bessemsjteel.
Es hae kump vraoge nao dien zeel,
Dan houw ich hem eine sent diek zjweel!

 

Copyright © 2001 - 2020 Herman Aben